हामी सबैकाे संसारन्यूज

८ चैत, भैरहवा । स्वास्थ्यकर्मीका लागि सुरक्षा उपकरण नभएको भन्दै प्राय अस्प्ताल र चिकित्सकहरु कोरोना भाइरसका जस्तै लक्षण देखिएका विरामीलाई अस्पताल भर्ना गर्न नमानिरहेको, कोरोना भाइरस भए नभएको परीक्षण गर्न डराइरहेको अवस्थमा भैरहवाका रमेश थापा सीमावर्ती दशगजास्थित बेलैया नाकामा राखिएको स्वास्थ्य सहायता कक्ष (हेल्थ डेस्क) मा दिनहुँ खटिन्छन् । बिहान देखि राति सम्म यात्रुको शरीरको तापक्रम नाप्छन् । अर्जुन गिरी, रामबहादुर बस्नेत, रमेश पोखरेल, नर्जुङ गुरुङ र नारायण हमाल पनि उनीसँगै खटिने गरेका छन् ।

उनीहरु सरकारी कर्मचारी होइनन् र यसरी खटिएवापत कुनै पारिश्रमिक पनि पाउँदैनन् । नाकामा कोरोना भाइरस कोभिड १९ को सम्भावति संक्रमण रोक्न सरकारी टोलीे मात्रै नभ्याएपछि उनीहरु ह्ेल्थ डेस्कमा जुटेको शनिबारको कान्तिपुर दैनिकमा समाचार छ ।

हेल्थ डेस्कमा सिद्धार्थनगर नगरपालिका र स्वास्थ्य कार्यालयले दुईजना स्वासथ्यकर्मी पठाएका छन् । तिनले सबैको स्वास्थ्य जाँच्न भ्याउदैनन् । त्यसमाथि उपकरण अभाव छ । यस्तोमा युवाको भरेथगले यात्रु र सरकारी टोलीलाई निकै सहज भएको छ ।