हामी सबैकाे संसारन्यूज

९ चैत, कतार । कतार सरकारले आजदेखि लागुहुने गरी गरेका नयाँ निर्णयबारे जानकारी गराउँदै नेपाली दूतावास कतारले सबै नेपालीलाई सजग गराएको छ ।

कतार सरकारको सुप्रिम कमिटि फर द क्राइसिस म्यानेजमेन्टले शनिबार ( २१ मार्च) का दिन दोहामा आयोजना गरेको पत्रकार सम्मेलनमा जानकारी दिइए अनुसार आजदेखि लागू हुने गरी निम्न निर्णय गरेको दूतावासले जानकारी दिएको छ ।

दूतावासले उक्त जानकारी अनुसार आजैदेखि कतारभित्र रहेका सबै सार्वजनिक पार्क, public Beaches  कर्निस लगायत अन्य सार्वजनिक स्थलहरुमा कुनैपनि प्रकारका सामाजिक जमघट गर्न\गराउन रोक लगाइएको तथा सोको उल्लंघन भएको पाइएमा उल्लंघनकर्तालाई पक्राउ गरिने व्यवस्था कायम गरिएको हुँदा सोहि बमोजिम सर्तकता अपनाउन पनि दूतावासले सबैलाइ आग्रह गरेको छ ।