Sansar News
१० चैत, काठमाण्डौं । नेपाल टेलिकमले २० रुपैयाँमै डाटा र चाहेजति कुरा गर्न पाउने प्याकेज लयाएको छ ।
कोरोना भाइरस सम्बन्धी चेतनामूलक रिङटोन दिएर स्यावासी बटुलेको टेलिकमले अप्रत्यासित रुपमा अर्को प्याकेज सार्वजनिक गरेको छ ।
टेलिकमले ल्याएको वान आवर अनलिमिटेड प्याकमा एकघण्टा सम्म अनलिमिटेड डाटा चलाउन पाउने, १ घण्टासम्म चाहेजति भ्वाइस कल गर्न पाउने र एसएमएस समेत पठाउन सकिने बताइएको छ ।
यसैगरी राति ११ बजेदेखि बिहान ६ बजेसम्म चलाउन पाउने गरी १८ रुपैयाँमै अनलिमिटेड डाटा प्याक सेवा पनि उपलब्ध गराइएको छ । सरकारी स्वामित्वको प्रतिशत ठूलो रहेको नेपाल टेलिकमले ‘राष्ट्रको संचार’ का रुपमा आफ्नो उत्तरदायित्व बहन गरिरहेको छ ।
वि.सं.२०७६ चैत १० सोमवार १३:२८ मा प्रकाशित
