हामी सबैकाे संसारन्यूज

१० चैत, काठमाण्डौं । विश्वव्यापी महामारीको रुपमा फैलिएको कोभिड–१९ अर्थात् कोरोना भाइरस नियन्त्रणका लागि नेपाल सरकारले करारमा कर्मचारी माग गरेको छ ।

नेपाल सरकार स्वास्थ्य तथा जनसंख्या मन्त्रालयले ‘करार सेवामा जनशक्ति भर्ना गर्ने सम्बन्धी सूचना’ प्रकाशित गर्दै पहिलो आवेदकलाई पहिलो प्राथमिकता दिने’ जनाएको छ ।

दरखास्तसाथ शैक्षिक योग्यताका तथ्यांक र चारित्रिक तथा नेपाली नागरिकताको प्रमाणपत्र एवं सम्बन्धीत पदका लागि योग्य हुने काउन्सील दर्ता प्रमाणपत्र सहित आजै दरखास्त दिन सकिने स्वास्थ्य मन्त्रालयले जनाएको छ ।

सूचना अनुसार नर्वौं तहको जनरल फिजिसियन ७ जना, एनेस्थेसियोलोजिस्ट ७ जना, आठौं तहका मेडिकल अधिकृत २० जना र पाँचौ तहका स्टाफ नर्स १०० जना मागिएको छ ।

स्वास्थ्यका कर्मचारी, मेडिसीनका सबै विधामा पढिरहेका विद्यार्थी तथा अन्य स्वयमसेवकलाई तयारी अवस्थामा राखेको सरकारले ६ हजार जनालाई व्यवस्थापन हुने गरी क्वारेन्टाइनको प्रवन्ध गर्ने बताइरहेको छ । यस कार्यमा संलग्न चिकित्सक तथा प्राबिधिकहरुको ‘विशेष महत्व’ हुने स्वास्थ्य मन्त्रालयले दोहोर्याइरहेको पनि छ ।