हामी सबैकाे संसारन्यूज

११ चैत, काठमाण्डौं । उद्योग, वाणिज्य तथा आपूर्ति मन्त्रालयले खाद्य पसल लगायतका अति आवस्यक सेवाहरु नियमित सञ्चालन गर्न व्यवसायीहरुलाई निर्देशन दिएको छ ।

सरकारले आजदेखी देशैभरी ‘लक डाउन’ को घोषणासँगै देशैभरीका खाद्यान्न लगायतका अति आवस्यक सेवाहरु निरन्तर सञ्चालन गर्न आग्रह गरेको छ ।

मंगलबार बिहान ६ बजेदेखि गरिएको लकडाउनका क्रममा शहर तथा गाउँका सबै खाद्य पसल लगायतका अत्यावस्यक सेवाहरु समेत बन्द भएको र सर्वसाधारणहरुले सास्ती भोगिरहेको बेला मन्त्रालयले एक सूचना जारी गर्दै नियमित सन्चालनका लागि आग्रह गरेको हो ।

‘खाद्यवस्तु, (तरकारी, फलफूल, दूध, पानी समेत) औषधिजन्य र औषधिजन्य पदार्थ तथा खाना पकाउने ग्याँस (एलपीजी) बिक्रि वितरण हुने पसल तथा ििवक्रि कक्षहरु नियमित सन्चालन गर्ने । यी पसलहरुमा काम गर्ने सबैले अनिवार्य रुपमा मास्क लगाउने र समयसमयमा स्यानिटाइजर वा साबुन पानीले हात धुने व्यवस्थागर्ने ।’ मन्त्रालयद्धारा जारी सूचनामा भनिएको छ ।