Sansar News
१३ चैत्र, काठमाडौँ । कृषि तथा पशुपन्छी विकास मन्त्रालयले माछामासु, अण्डा तथा पशुपन्छीको उत्पादन तथा ढुवानीलाई निरन्तर गर्न आग्रह गरेको छ ।
सरकारले कोभिड- १९ को महामारी रोन्द देशमा बन्दाबन्दी (लकडाउन) गर्ने क्रममा दैनिक जीवनमा आवश्यक पर्ने खाद्यवस्तुको उत्पादन तथा आपूर्ति सूचारु गर्ने निर्णय गरेको जानकारी गराउँदै मन्त्रालयले यो आग्रह गरेको छ ।
सरकारको निर्णयको पालना गर्दै आधारभूत खाद्यन्न, तरकारी, दूध फलफूल, माछामासु, अण्डा तथा पशुपन्छीको दाना र आहारा, कुखुराको चल्लाको उत्पादन, ढुवानी एवम् बिक्री वितरण सुचारु रहने सूचनामा जनाइएको छ ।
कहिकतै व्यवधान पर्न आएमा वा कुनै समस्या परेमा तत्काल सम्पर्क गर्न मन्त्रालयका प्रवक्ता डा हरिबहादुर केसी(९८४१४०१२८७) तथा पशु सेवा विकासका महानिर्देशक डा बंशी शर्मा(९८५१०६७३८७)लाई फोन गर्न अनुरोध गरिएको छ ।
वि.सं.२०७६ चैत १३ बिहीवार ०९:२९ मा प्रकाशित
