Sansar News
५ पुस,उर्लाबारी (मोरङ)। मोरङको लखन्तरी–७ मा गएराति आगलागीबाट तीन घर जलेर नष्ट हुँदा रु आठ लाख बराबरको क्षति भएको छ । आगलागीबाट नारायण माझी, ललित ठाकुर र झगरु माझीको घर जलेर नष्ट भएको हो ।
राति करिब ११ बजे नारायण माझीको भान्छाकोठाको विद्युत् लाइन चुहिँदा आगलागी भएको जिल्ला प्रहरी कार्यालय मोरङका प्रहरी नायब उपरीक्षक योगेन्द्रसिंह थापाले जानकारी दिनुभयो ।
आगोले नारायण माझीको घर, भान्छा, गोठ, ललित ठाकुर तथा झगरु माझीको घर तथा घरभित्र रहेको सामान जलेर नष्ट हुँदा सो मूल्य बराबरको क्षति भएको छ । आगोलाई प्रहरी र स्थानीयवासीको सहयोगमा राति १ बजे नियन्त्रणमा लिइएको थियो । रासस
वि.सं.२०७३ पुस ५ मंगलवार ०६:४० मा प्रकाशित
