हामी सबैकाे संसारन्यूज

७ वैशाख, काठमाडौँ । चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै नोबेल कोरोना भाइरस अर्थात् (कोभिड १९) अहिले विश्वका २१० देश पुगिसकेको छ ।

२०७७ वैशाख ७ (सन् २०२० अप्रिल १९) बिहान ८.०० बजेसम्मको प्राप्त समाचार अनुसार संसारका २३ लाख ३० हजार ९६४ मानिसमा कोरोना भाइरस सल्केको छ, एकैदिन ८० हजार ५५९ जना नयाँ संक्रमित थपिएको हो । कूल मृत्युसंख्या १,६०,७५७ रहेको छ । एकैदिन ६५१२ जनाको मृत्यु भएको छ, अघिल्लो दिनको तुलनामा मृत्यु संख्या केही घटेको हो ।

निको भएर घर फर्किएकाहरु संख्याका ५९६,६८७ छ भने उपचाररत बिरामीको संख्या १,५७३,५२० रहेको छ । जसमध्ये १,५१८,२५५ को अवस्था मध्यम छ भने ५५,२६५ को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा लगातार अमेरिका नै देखिन्छ । अमेरिकामा मात्रै प्रभावितको संख्या ७३८,८३० पुगेको छ भने ३९,०१४ को मृत्यु भएको छ । एकै दिन २८८०९ नयाँ संक्रमित थपिएका छन् भने १८५६ जनाको मृत्यु भएको छ, यो अघिल्लो दिनको तुनलामा थोरै घटेको हो ।

मृत्युदरको हिसाबमा अमेरिका सबैभन्दा बढी प्रभावित देश हो भने दोस्रो इटाली हो । इटालीमा मृत्युदर लगातार घट्दो क्रममा रहेको देखिन्छ । इटालीमा प्रभावितको संख्या १ लाख ७५ हजार ९२५ रहेको छ भने मृत्यु हुनेको संख्या २३,२२७ जना रहेको छ ।

प्रभावका हिसाबले अमेरिका, स्पेन, इटाली, फ्रान्स, जर्मनी, बेलायत अनि चीन क्रमशः छन् भने मृत्यु संख्याको हिसाबले अमेरिका पहिलो(३९,०१४) इटाली दोस्रो(२३,२२७), स्पेन तेसो(२०,६३९), फ्रान्स चौंथो(१९,३२३), बेलायत पाचौँ(१५,४६४), बेल्जियम छैठौं(५,४५३), इरान सातौँ(५,०३१) र चीन आठौँ(४,६३२) क्षति व्यहोर्ने देशमा छन् ।

नेपालमा कोरोना भाइरस अपडेट :
नेपालमा संक्रमितको संख्या नियमित बढेको छ । २४ घण्टामा नेपालमा थप १ नयाँ संक्रमित थपिएका छन् । शनिबार थप १ मा कोरोना भएको पुष्टि भएसँगै नेपालमा संक्रमितको संख्या ३१ पुगेको छ । शनिबारसम्म ८०१७ जनाको स्बाव परीक्षण भएको र ११७ जना आइसोलेसनमा रहेको स्वास्थ्य मन्त्रालयले जनाएको छ ।

कोरोना भाइरस विरुद्धको लडाईमा नेपालले शनिबार अर्को सफलता प्राप्त ग¥यो । नेपालकी दोस्रो संक्रमित युवती निको भएर घर फर्किएकी छन् ।

चीनको वुहान युनिभर्सिटीमा पीएचडी अध्ययनरत ३२ वर्षीय पुरुषमा नेपालमा पहिलोपटक कोरोना पोजिटिभ देखिएको थियो । ती पुरुष निको भएर घर फर्किएका थिए । हाल २९ जना उपचाररत छन् ।

चैत्र २३ गते कोरोना संक्रमित एक व्यक्तिबाट अर्काेमा सरेपछि नेपाल कोरोना भाइरसको दोस्रो चरणमा प्रवेश गरेको छ । दुबईबाट फर्केका कैलालीका संक्रमित एक युवाबाट उनको भाउजुमा कोरोना भाइरस पोजेटिभ देखिएपछि दोस्रो चरण सुरु भएको हो । युवासँग भेट भएको १२ दिनपछि उनकी भाउजुमा संक्रमण भएको थियो ।

कोरोनाको चरण हेर्दा यसका चार चरण रहेका छन् । व्यक्तिमा सिमित संक्रमण (विदेशबाट फर्केर आएका) पहिलो चरण हो । ट्राभल हिस्ट्री भएको व्यक्तिमार्फत परिवारमा संक्रमण देखिनु दोस्रो चरण मानिन्छ । एउटा समुदायबाट अर्को समुदायमा पैmलनु तेस्रो चरण हो भने महामारीको रुप लिएको अवस्था चौथो चरण हो ।

फ्रान्सबाट कतारको दोहा हुँदै चैत ४ गते नेपाल एक युवती(निको भएर घर फर्किएसकेको अवस्था) मा चैत्र १० गतेको परीक्षणमा कोरोना संक्रमित भएको पुष्टि भएपछि भोलिपल्ट अर्थात् चैत्र ११ गतेदेखि सरकारले देशभर लकडाउन गरेको थियो । सरकारले ११ गते मंगलवार बिहान ६ बजेदेखि चैत १८ सम्म लागू हुनेगरी गरेको लकडाउन चौंथो हप्तासम्म लम्बाएर आगामी वैशाख १५ गते सम्म पु¥याइएको छ । विश्वभर तथा छिमेकी देश भारतमा समेत संक्रमितको संख्या बढीरहेका कारण नेपालको लकडाउन बढ्ने सम्भावना देखिन्छ ।

अर्को छिमेकी देश भारतमा संक्रमित र मृत्य हुनेको संख्या बिहिबारको तुलनामा थोरै घटेको छ । १५,७२२ जना संक्रमित रहेको र ५२१ जनाको मृत्यु भएको देखिन्छ । २४ घण्टामा १३७० नयाँ संक्रमित थपिएका छन् भने ३५ जनाको मृत्यु भएको देखिन्छ ।

यस्तो छ कोरोना भाइरसको अपडेट तथ्याङ्क :