हामी सबैकाे संसारन्यूज

७ बैशाख, काठमाण्डौं । यदि तपाई स्वास्थ्यकर्मी हुनुहुन्छ र पीपीईको आवस्कता छ भने राष्ट्रिय आविस्कार केन्द्रका प्रमुख महावीर पुनलाई फोन गर्न सक्नुहुन्छ ।

डा महावीर पुनले यसअघि एम्बुलेन्स चालकहरुलाई निःशुल्क पीपीई वितरण गरेपनि अव स्वास्थ्यकर्मीहरु (जसलाई पीपीई अति आवस्यक छ ) उनीहरुले पनि तल दिइएको नम्बरमा फोन गरेर लिन सक्ने डा. पुनले बताएका छन् ।

‘अस्पतालमा काम गर्ने तल्लो तहको स्वास्थ्यकर्मीहरु तथा तिनीहरुका अभिबावकहरुको र सुरक्षाकर्मीहरुको धेरै नै अनुरोध आइरहेकोछ,’ डा. पुनले भनेका छन् ‘एकै चोटी सबैलाई दिन सकिदैन । मलाई ९८४१५९२३६१ मा फोन गरेर अति आबश्यक हुनेहरु मात्र पीपीई लिन आउनु होला र आफ्नो आईडी कार्ड ल्याउनु नभुल्नु होला ।’ डा. पुनले भनेका छन् ।

डा पुनले लेखेका छन
यो निर्णय गर्नु पर्ने कारण यस प्रकार छ
अस्पतालमा काम गर्ने इन्टर्न, रेसिडेन्ट डाक्टर, नर्सहरुले अस्पतालको प्रशासनले उनीहरुलाई पीपीइ दिंदै दिएन भनेर मन छुने गरेर अनुरोध गरि रहेका छन् । भारत तर्फको सिमानामा काम गर्ने स्वास्थ्यकर्मीहरु, सशस्त्र प्रहरी र नेपाल प्रहरी जस्ता सुरक्षाकर्मीहरुको पनि त्यहि नै गुनासो छ र ति जिल्लाका सिडिओहरु र नेताहरुले पनि फोन गरेर पीपीईको लागी अनुरोध गरि रहेका छन् । त्यसको साथ साथै अस्पतालमा काम गर्ने स्वास्थ्यकर्मीहरुको अभिभावकहरुले पनि आफ्नो छोराछोरीको ज्यानको सुरक्षाको लागि नै भनेर पीपीई को लागि मलाई फोन गरि रहेका छन् । त्यसैले जे जति सकिन्छ उनीहरुलाई पनि पीपीई दिईने छ ।’