Sansar News
११ बैशाख, कतार । विश्व व्यापी कोरोनाको महामारी फैलिरहेका बेला कतारमा अब मास्क नलगाउनेहरुले तीनवर्ष जेल सजाय भोग्नपर्ने र २ लाख कतारी रियाल जरिवाना तिर्नुपर्ने भएको छ ।
कतारको मन्त्रिपरिषद्ले अप्रिल २६ देखि लागू हुने गरी सरकारी र निजी क्षेत्रका कर्मचारी तथा सेवाग्राही, व्यापारी तथा किनमेलकर्ता, सेवा तथा निर्माण क्षेत्रमा काम गर्ने व्यक्ति तथा कामदारहरुले अनिवार्यरुपमा मास्क लगाउनु पर्ने निर्णय गरेको सार्वजनिक गरेको छ ।
उल्लेखित निर्देशन पालना नगरेको खण्डमा सन् १९९० को कानुन नं. १७ बमोजिम अधिकतम तीन वर्ष जेल सजाय वा कतारी रियाल दुई लाखसम्म जरिवाना वा दुवै सजाय हुने उल्लेख भएको हुनाले यस निर्देशनको पालना गर्न÷गराउन कतारमा बसोबास गर्ने सबै नेपालीहरुमा नेपाली राजदूतावास अनुरोध गरेको छ ।
वि.सं.२०७७ वैशाख ११ बिहीवार २०:४२ मा प्रकाशित
