हामी सबैकाे संसारन्यूज

१४ बैशाख, काठमाडौँ । भारतबाट आएर सूदूरपश्चिम प्रदेशका क्वारेन्टाइनमा बसिरहेका १५ जनामा औलो देखिएको छ । उनीहरु अधिकांश पुरुष रहेका छन् ।

केरोना भाइरस फैलन नदिन व्यवस्था गरिएको क्वारेन्टाइनमा औलोको प्रकोप बढ्न सक्ने देखिएपछि स्वास्थ्य अधिकारी चिन्तित देखिएको पनि आइतबारको अन्नपूर्णपोष्ट दैनिकमा समाचार छ ।

‘भारतबाट आएर क्वारेन्टाइनमा बसेका व्यक्तिमा औलो देखिएको हो । महिला भन्दा पुरुषमा औलो बढी पाइएको छ ।’ इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेले भने । उनका अनुसार औलो संक्रमित सबै व्यक्तिको उपचार भइरकेको छ ।

‘आफैबाट सुरु गरौं, औलोलाई शून्यमा झारौ’ भने नाराका साथ शनिबार विश्व औलो दिवस मनाइरहँदा नेपालमा यसका विरामी भेटिएका हुन् ।

गर्मी सुरु भएसँगै लामखुट्टेको टोकाईबाट सर्ने औलो रोगले अहिले क्वारेन्टाइनमा बस्नेलाई पिरोल्न थालेको छ ।