हामी सबैकाे संसारन्यूज

१४ बैशाख, ओमान । नेपाली दूतावास ओमानले, कोरोनाका कारण प्रभावित बनेका ओमानका नेपालीहरुलाई यथाशक्य रुपमा शिघ्र विवरण उपलब्ध गराउन अनुरोध गरेको छ ।

विश्वव्यापी रुपमा फैलिएको कोरोना भाइरस महामारीबाट उत्पन्न असहज परिस्थितिले ओमानमा रहेको विभिन्न पेशा, व्यवसायमा आवद्ध तथा अन्य काममा रहेका सम्पूर्ण नेपाली दाजुभाइ दिदीबहिनीले कुनै न कुनै रुपमा असहज परिस्थिति भोग्नु परेको दूतावास अवगत रहेकोले यस्तो अनुरोध गरिएको दूतावासले बताएको छ ।

‘यसै सन्दर्भमा ओमानमा रहनुभएका नेपाली दाजुभाई तथा दिदिबहिनीहरुमा यस विषम परिस्थितिले पर्न गएको तथा पर्न सक्ने समस्याहरुको एकीकृत विवरण तयार गरी समस्या समाधानार्थ सहजिकरण गर्ने प्रयास स्वरूप नेपाली राजदूतावास ओमानले संलग्न लिंक बमोजिमको फारम तयार गरी यहाँहरुसमक्ष प्रस्तुत गरेको छ ।’ दूतावासद्धारा आइतबार जारी सूचनामा भनिएको छ ।

उक्त फारम मार्फत यथाशक्य रुपमा पूर्ण बिवरण उपलब्ध गराई सहयोग गरिदिन अनुरोध गर्दै तल दिईएको लिंक खोली आफ्ना बिवरणहरू भरीसकेपछि सोही फारामको अन्तिममा रहेको Submit  बटनमा थिच्नु पर्ने जानकारी समेत दूतावासले दिएको । ‘तपाईले उपलव्ध गराउनु भएका सूचनाहरू गोप्य रहनेछन् ।’ दूतावासले भनेको छ ।