हामी सबैकाे संसारन्यूज

१८ बैशाख, पर्वत । अन्तर्राष्ट्रिय पर्वत समाजले जिल्ला अस्पताल पर्वतलाई ३२ थान पिपिइ हस्तान्तरण गरेको छ ।

स्वास्थ सामाग्री कम भै रहेको स्थितिमा व्यक्तिगत सुरक्षात्मक उपकरण (पिपिई) सहयोग गरेको हो । कोरोना भाइरस (कोभिड–१९) को नियन्त्रण र रोकथाममा खटिएका स्वास्थ्यकर्मीलाई हुने गरी उच्च स्तरको १२ थान र मध्यम खालको २० थान गरि ३२ थान पिपिइ सहयोग गरीएकोे थियो ।

पर्बतबाट बिभिन्न देशमा गएका नेपालीहरुको संस्था अन्तराष्ट्रिय पर्वत समाजका तर्पmबाट समाजका संरक्षक गोविन्द सुवेदी र समाजका कानुनी सल्लाहकार केशवराज पुरी लगायतको टोलीले जिल्ला अस्पताल विकास समितिका अध्यक्ष गोविन्द गिरी पहाडीलाइ एक कार्यक्रमका विच हस्तान्तरण गरेकोे थियो ।

सो हस्तान्तरण कार्यक्रममा बाग्लूगका सांसद डा सूर्य पाठक, कुश्माका मेयर रामचन्द्र जोशि, मुटुरोग बिशेषज्ञ डा अनिल भट्टराई, समाजका संरक्षक गोविन्द सुवेदी, कानूनी सल्लाहाकार केशवराज पुरी, पर्वत उद्योग वाणिज्य संघका अध्यक्ष केदारनाथ शर्मा, शिवालय माविका अध्यक्ष ईश्वर गिरी लगायतको उपस्थिति रहेको थियो ।

अन्तर्राष्ट्रिय पर्वत समाजका महासचिव गुणराज शर्माका अनुसार कोरोना भाईरस (कोभिड–१९) को आशंका गरिएका बिरामीहरुको उपचारमा चिकित्सक, स्वास्थ्यकर्मीलाई सहयोग पुगोस भन्ने उद्देश्यले ती सामाग्री पठाइएको थियो ।