हामी सबैकाे संसारन्यूज

२१ बैशाख, काठमाडौँ । अष्ट्रेलियन क्रिकेट टिमका कोच जस्टिन लेंगरले भारतलाई भारतमै हराउने एक मात्र लक्ष्य रहेको बताएका छन ।

टेस्ट क्रिकेटमा भारतलाई पछि पार्दै अष्ट्रेलिया आईसीसी क्रिकेट वरीयतामा शीर्ष स्थानमा उक्लेको छ । अष्ट्रेलियन क्रिकेट टिम शीर्ष स्थानमा उक्लदा ४ वर्ष पछि भारतले टेस्टको शीर्ष स्थानबाट हटेको छ ।

आईसीसी टेस्ट वरीयतामा शीर्ष स्थानमा बनिरहनका लागि निकै मेहेनेत गर्नु पर्ने छ भनेर लेंगरले भनेका छन । उनले अब अष्ट्रेलियन क्रिकेट टिमको लक्ष्य वल्ड टेस्ट च्याम्पियनशिप रहेको बताएका छन । च्याम्पियनशिप अगाडी भारतलाई भारतमै टेस्ट क्रिकेटमा हराउने अष्ट्रेलियाको एक मात्र लक्ष्य रहेको बताएका छन ।

अहिले भारत आईसीसी टेस्ट वरीयतामा तेस्रो स्थानमा रहेको छ । अष्ट्रेलियन क्रिकेट टिम भने टेस्ट र टि २० क्रिकेटमा शीर्ष स्थानमा रहेको छ भने एकदिवसीयमा क्रिकेटमा पाँचौ स्थानमा रहेको छ ।