हामी सबैकाे संसारन्यूज

२२ बैशाख, काठमाण्डौं । कुवेतमा कोरोना संक्रमण हुने नेपालीको संख्या ८४ पुगेको छ ।

नेपाली दूतावास कुवेतका अनुसार पछिल्लो पटक ९ जनामा कोरोना पुष्टि भएपछि संक्रमितको नेपालीको संख्या ८४ पुगेको हो ।

पछिल्लो समय कुवेतमा कोरोना संक्रमणमा तिब्र वृद्धि हुँदै गएको भन्दै दूतावासले संक्रमण फैलिन नदिन र यसको प्रभावबाट मुक्त रहन अपनाउनुपर्ने सतर्कता र पूर्व सावधानीका उपायहरूलाई गंभिरता पूर्वक अनुशरण गर्न अनुरोध गरेको छ ।

त्यस्तै रोग लागेको आशंका हुनासाथ आफैले वा आफ्नो रोजगारदाता व्यवस्थापनसँग अबिलम्व सम्पर्क राखी चेकजाँच गरेर उपचारका लागि चिकित्सकको सल्लाह र सुझाव बमोजिम गर्न तथा गराउन पनि दूतावासले अनुरोध गरेको छ ।

‘यहाँ रहेको गैरआवासीय नेपाली संघ, राष्ट्रिय समन्वय परिषद तथा अन्य संघसंस्थाले पनि दुखः कष्टमा परेका नेपालीहरूलाई सकेसम्म सहयोग पुर्याउँदै आएको सन्दर्भमा ती कार्यहरूको सराहना गर्दै यसको प्रभावकारिता र पहुँच विस्तारको लागि आवश्यक समन्वय र सहजीकरण गर्ने कार्यमा दूतावास निरन्तर क्रियाशील रहनेछ ।’ दूतावासले भनेको छ ।

दूतावासले कोरोना भाइरस संक्रमितको संख्या बढ्दै गएतापनि यसको संक्रमणबाट निको हुनेको संख्या पनि बढ्दै गएको हुँदा यो रोगबाट भयभित नभई, दृढ साहस र उच्च मनोबलका साथ सजग, सचेत एवं सुरक्षित रहन एवं निराधार हल्लाको पछि नलाग्न समेत सचेत गराएको छ ।

कुवेतमा हालसम्म कोरोना संक्रमितको संख्या ४ हजार ९८३ जनामा संक्रमण पुष्टि भएको छ । जसमा निको हुनेको संख्या १ हजार ७७६ पुगेको छ ।
त्यस्तै मृत्यु हुनेको संख्या ३८ रहेको छ ।  फोटो ऐजेन्सी

• टेलिफोन नम्बरहरूः २५३२१६०३, २५३२१६०४, २५३२१६०५
• हटलाइन नम्बरः ९८८६९१२१
• इमेलः eonkuwait@mofa.gov.np