हामी सबैकाे संसारन्यूज

२३ बैशाख, काठमाण्डौं । नेपालगन्जमा कोरोना संक्रमितको संख्या २३ पुगेको छ ।

बैशाख १९ गते नेपालगन्ज उपमहानगरपालिकाको वडा नं ८ का ६० वर्षी पुरुषमा कोरोना संक्रमण पृष्टि भएपछि त्यसको दुई दिनमै १५ जना र मंगलबार ७ जनामा कोरोना संक्रमण पृष्टि भएसँगै उपमहानगरपालिकाले स्थानीयस्तरमा लकडाउनमा कडाई गरेको छ ।

पहिलोपटक ६० वर्षीय पुरुषमा संक्रमण भेटिएसँगै उनीसँग सम्पर्कमा आएकाहरुको ट्रेसिङ कन्ट्रयाक गर्ने क्रममा बैशाख २१ गते १५ जना र मंगलबार (बैशाख २३) ७ जनामा संक्रमण पुष्टि भएको हो । यति ठूलो संख्यामा संक्रमित भेटिएपछि कोरोना संक्रमण अव समुदायमा प्रवेश गरेको देखिन्छ ।

यसैलाई मध्येनजर गर्दै नेपालगन्ज महानगरपालिकाले लकडाउनकै बीच आज ११ बजेदेखि बैशाख २५ को मध्येराति सम्म स्थानीयलाई घरबाहिर ननिस्कन भन्दै थप कडाई गरेको छ ।

यसले स्थानीयस्तरमा बढेको त्रासलाई कम गनुका साथै ट्रेसिङ कार्यमा सहयोग पुग्ने उपमहानगरपालिकाले जनाएको छ । नेपालगन्जमा कोरोना संक्रमितको संख्या बढ्दै गएपछि कर्णाली प्रदेशले पनि एक साताका लागि आफ्ना नाका सिल गरेको छ ।  तस्बिर :अभिजित कुमार