Sansar News
२३ बैशाख, काठमाण्डौं । कोरोना संक्रमणको महामारी रोकथाम तथा नियन्त्रण उच्चस्तरीय समितिले लकडाउन ७ देखि १० दिनसम्म थप्न सुझाव दिएको छ ।
सरकारले पछिल्लो पटक थपेको लकडाउन बैशाख २५ गते पूरा हुने भएकाले उच्चस्तरीय समितिको बैठकले लकडाउन थप गर्न सरकारलाई सुझाव दिएको छ । बुधबार बस्ने मन्त्रिपरिषद्को बैठकले लकडाउनको बारेमा निर्णय गर्नेछ ।
त्यस्तै समितिले उदयपुर, नेपालगन्ज लगायतका जोखिमयुक्त जिल्लाहरुलाई छोडेर अन्य जिल्लामा लकडाउन केही खुकुलो बनाएर सहज दैनिकी बनाउनुपर्ने समेत सुझाएको छ ।
सकारले चैत ११ गते देखि गरेको लकडाउनको समय बैशाख २३ सम्म आइपुग्दा ३९ औं दिन पुगेको छ ।
वि.सं.२०७७ वैशाख २३ मंगलवार १९:१९ मा प्रकाशित
