Sansar News
२४ बैशाख, काठमाण्डौं । कोरोना संक्रमणबाट निको भएर घर फर्र्किएका तीनजनामा पुनः कोरोना पोजेटिभ देखिएको छ ।
पुनः पोजेटिभ देखिएकामा बैशाख १४ गते डिस्चार्ज भएका रौतहटका १९ वर्षीय र पर्साका ४४ वर्षीय दुई पुरुषमा पुनः पोजेटिभ देखिएको हो । उनीहरुको विरगन्जस्थित नारायणी अस्पतालमा उपचार भइरहेको छ ।
त्यसैगरी बैशाख ११ गते डिस्चार्ज भएका काठमाण्डौंका ५८ वर्षीय पुरुषमा पुनः पोजेटिभ देखिएको छ । फलोअपमा अस्पताल आएका उनको पुन : परीक्षणका क्रममा संक्रमण देखिएपछि पाटन अस्पतालमा उपचार भइरहेको पनि स्वास्थ्य मन्त्रालयले जानकारी दिएको छ ।
वि.सं.२०७७ वैशाख २४ बुधवार १६:५६ मा प्रकाशित
