Sansar News
२८, वैशाख, काठमाडौं । अहिले काठमाडौ लगायतका कतिपय ठाउँहरुमा बिभिन्न आयोजनाको काम भैरहेको छ । काम भैरहेका ठाउँहरुमा कम्तिमा दिनको १ हजार कामाई गरिरहेको मजदुरहरुले बताएका छन ।
विश्वव्यापि माहामारीको रुपम फैलिरहेको कोरोना भाईरसका कारण जारी रहेको बन्दाबन्दिका कारण हजारौले रोजगारी गुमाएका छन । रोजगारी गुमाएकाहरुलाई खाद्यान्न लगायतका सामग्रीहरुको बितरण गरेर राज्यले नागरिकहरुलाई अल्छि बनाउन लागेको भन्दै सरोकार वालाहरुले चिन्ता जाहेर गरेका छन ।
यो बन्दाबन्दी कै बिचमा पनि राष्ट्रिय गौरवका आयोजनाको काम सुचारु रह्यो भने काठमाडौ उपत्यकामा पनि सडकको काम रोकिएन । गत चैत्र ११ गतेबाट सुरु भएको बन्दाबन्दीमा पनि उपत्यकका अधिकांस ठाउँहरुमा सडक मर्मत तथा रङरोगनको काम जारी छ । संघिय सडक अनुगमन कार्यालयका प्रमुख राजेन्द्रराज शर्माका अनुसार बन्दाबन्दी भन्दा अगाडी नै ठेक्का लागेका पुतली सडक, चाबहिल–चुच्चेपाटी सडक खण्डको काम धमाधम भैरहेको छ । यो अबधिमा मात्रै झण्डै ३० करोड रकम बराबरको काम पुतलीसडक तथा चाबहिल–चुच्चेपाटी सडकमा मात्र भैेरहेको छ । यसमा पनि धेरैले रोजगारी पाएका छन । काम भईरहेका ठाउँमा रोजगारी पाउने पनि नेपालीहरु नै छन । रोजगारी पाएकाहरुले राहातको आबस्यकता नभएको बताएका छन ।
वैशाख २४ गतेको मन्त्रीपरिषद वैठकले बन्दाबन्दी १० दिनलाई बढाउने निर्णय गरे पनि अत्याबस्यकीय सेवा तथा सामाग्री उत्पादन गर्ने उद्योगलाई स्वस्थ्य सम्बन्धिमापदण्ड पुरा गरेर सन्चालन गर्न दिने निर्णय गरेपछि थप रोजगारी को अबसर सृजनाहुने जानकारहरुको भनाई छ ।
उत नेपाल बिद्युत प्राधिकरणमा भने मजदुरको अभाब भएको छ । अहिले प्राधिकरणले काठमाडौं उपत्यकामा तार भुमिगत गर्ने काम गरिरहेको छ तर मजदुर अभाबले गर्दा सोचे जस्तो काम अगाडी बढाउन गाह्रो भैरहेको प्राधिकरण माहाराजगञ्ज आयोजनाका प्रमुख अभिषेक अधिकारीले बताए । अहिले प्रधिकरणले काठमाडौ उपत्यकका बिभिन्न ठाउँमा बिद्युत लाईन भुमिगत गर्ने काम गरिरहेको छ ।
वि.सं.२०७७ वैशाख २८ आइतवार १२:०६ मा प्रकाशित
