हामी सबैकाे संसारन्यूज

चिसोको मौसम सुरु भएको छ । चिसोका कारण रुघाखोकी, ज्वरो लगायतका धेरै बीमारहरू पनि लाग्छन् । त्यस्तै चिसो मौसममा हाम्रो शरिरमा धेरै मात्रामा उर्जाको जरुरी हुन्छ । त्यसकारण यस्तो चीजहरू खानुपर्छ जसले शरीरलाई तातो बनाइराख्नुका साथै इम्युन पावरलाई ठीक राख्छ । चिसो मौसममा प्रोटीन र फाइबर भएको चीजहरू खानु स्वास्थ्यका लागि फाइदाजनक हुन्छ ।
ग्रिन टी– ग्रीन टीमा एन्टीवायरल तथा एन्टी बेक्टीरियल गुण पाइन्छ । यसको नियमित सेवनले रोग प्रतिरोधी क्षमता बढ्छ । यसले वायरल र बैक्टीरियन इन्फेक्सनबाट बचाउछ ।
ब्रोकाउली– चिसो मौसमका लागि ब्रोकाउली पनि फाइदाजनक हुने स्वास्थ्यविज्ञहरू बताउँछन् । यसमा पाइने प्रोटिन, क्याल्शियम, काब्रोहाइड्रेृट, भिटामीन ए लगायतका थुप्रै फाइदाजनक पौष्टिक तत्व पाइन्छ । साथै यसमा फाइटोकेमिकल्स र एन्टीअक्सीडेन्ट पनि पाइन्छ । जसले धेरै प्रकारका बीमारहरूबाट बच्न सहयोग गर्नुका साथै शरीरलाई स्वस्थ्य बनाउँछ ।
माछा – जाडोको मौसममा शरीरका लागि माछा पनि स्वास्थ्यवद्र्धक हुन्छ । माछामा ओमेगा ३ थ्री पाइन्छ । जसका कारण चिसो मौसममा लाग्ने धेरै प्रकारका बीमारबाट बचाउँछ । यसको नियमित सेवनले तपाईको छालामा चमक र शरिरमा रहेको अतिरिक्त चर्वि पनि घटाउने काम गर्छ ।
सौप– सौंपमा क्याल्सियम, सोडियम, फस्फोरस, आयरन र पोटासियम लगायतका महत्वपूर्ण तत्व पाइन्छ । यसले चिसो मौसममा हुने रुघाखोकी तथा घाटीमा भएको इन्फेक्सनमा लाभदायी काम गर्छ ।
मेथी ः मेथी चिसो मौसममा लाभदायक हुन्छ । विशेष गरेर चिसो मौसममा पाइने मेथीमा अत्यन्तै कम मात्रामा क्यालोरी पाइन्छ । साथै क्याल्सीयम, फस्फोरस र आइरन लगायतका भिटामीन पाइन्छ । चिसो मौसममा यसको सेवनले तपार्ईलाई चिसोबाट हुने धेरै बीमारबाट टाढा राख्न सहयोग गर्दछु ।
अन्डापनि फाइदाजनक– अण्डालाई जुनसुकै अवस्थामा पनि लाभदायी मानिन्छ । अन्डामा प्रोटिन, भिटामीन ए र डी जस्ता महत्वपूर्ण पोषक तत्व पाइन्छ । यसमा भरपुरमात्रामा एन्टी अक्सीडेन्ट पाइन्छ । चिसो मौसममा अन्डालाई तपाईको खानामा सामेल गर्नुहोस । यदि तपार्ईले चाहनुभयो भने प्रत्येक दिन एक अन्डा खान सक्नुहुन्छ । अन्डामा रहेको न्युटिएन्ट कोलीन ब्रेस्ट क्यान्सरलाई टाढा राख्न सहयोग गर्ने स्वस्थ्यविज्ञहरू बताउँछन् ।
किवी– किवीमा २७ भन्दा बढी पोषक तत्व पाइन्छ । जाडो मौसममा फल्ने हुनाले यसले रुघा खोकीसँग लड्ने क्षमता बढाउने मात्र नभएर अन्य धेरै प्रकारका रोगहरूसँग लड्न सक्ने क्षमताको विकास गर्छ । किवीमा फाइवर, भिटामीन सी र इ, कयारोटेनाइड्स एन्टी अक्सिडेन्ट तथा अन्य धेरै प्रकारका मिनिरल्स पाइन्छ । किवीलाई आफ्नो खानामा सामेल गरेर भरपुर मात्रामा भिटामीन सी लिन सकिन्छ ।
अमला ः चिसो मौसममा अमला सेवन स्वास्थ्यका लागि धेरै फाइदाजनक हुन्छ । अमलामा धेरै यस्ता पोषकतत्व हुन्छन की जसले चिसो मौसममा धेरै फाइदा दिन्छ । यसमा रहेको भिटामीन सीले इम्युन सिस्टमलाई बलियो बनाउन सहयोग गर्छ । अमलाको सेवनले ब्लड शुगरलाई नियन्त्रण गर्नुका साथै रगतको कमी हुनबाट बाट बचाउछ ।
लसुन ः लसुन हाम्रो दैनिकी भान्सामा नभइ नहुने चीज हो । लसुनको सेवनले शरीरलाई स्वस्य राख्न र ब्याक्टेरीयासँग लड्न शक्ति दिन्छ । यसमा रहेको एन्टी ब्याक्टीरियल गुणले इन्फेक्सन हुनबाट बचाउँछ ।
त्यस्तै अन्य चीजहरू बदाम, ओखर, काजु, पिस्ताले शरिरलाई लामो समयसम्म गर्मी बनाएर राख्न सहयोग गर्छ । साथै तरकारीमा गाजर, मुला, टमाटर बढीमात्रामा लिन सकिन्छ । चिसो मौसममा डिहाइड्रेसनको समस्या पनि देखिन्छ । त्यसकारण भरपुर मात्रामा पानी तथा झोलिलो पदार्थ लिन नभुल्नुहोला ।