हामी सबैकाे संसारन्यूज

६ जेठ, काठमाण्डौं । नेपाली दूतावास कतारले कोरोना संक्रमणको लक्षण देखिएका नेपालीलाई कतार सरकारले तोकेको विभिन्न केन्द्रमा पुगेर परीक्षण गराउन अनुरोध गरेको छ ।

कोभिड-१९ का सम्बन्धमा कतारको जनस्वास्थ्य मन्त्रालयले कोरोनाका लक्षण देखिएको तथा आशंका लागेका नेपाली नागरिकहरुले हटलाइन नम्बर १६००० सम्पर्क गरेर तोकिएका स्थानमा पुगेर जाँच गराउन अनुरोध गरेको छ ।

‘कोभिड-१९ सङ्क्रमणको लक्षण देखिएका जो कोहीले हटलाईन १६००० मा सम्पर्क गर्नुहोस् वा कोभिड-१९ परीक्षणको लागि तोकिएका स्वास्थ्य केन्द्रहरुमा सोझै जानुहोस् । दूतावासद्धारा जारी सूचनामा भनिएकोछ, ‘कोभिड-१९ को सङ्क्रमण जति चॉंडो पहिचान भयो, सही उपचार पाउन र निको हुन त्यति नै सहज हुने भएकाले यो कुरा महत्वपूर्ण छ ।’

कोभिड-१९ परीक्षणका लागि तोकिएका स्वास्थ्य केन्द्रहरु:

१. मुआइथर स्वास्थ्य केन्द्र

(Muaither Health Centre)

२. रावदत अल खालिल स्वास्थ्य केन्द्र

(Rawdat Al Khalil Health Centre)

३. अम सलाल स्वास्थ्य केन्द्र

(Um Slal Health Centre)

र

४. अल घराफा स्वास्थ्य केन्द्र

(Al Gharafa Health Centre)