Sansar News
८ जेठ, काठमाडौं । अभियन्ता भरत गौतमले भारतले राजा महेन्द्रलाई लेखेको पत्र सार्वजनिक गर्न सरकारसँग आग्रह गरेका छन् ।
लद्दाख युद्धपश्चात् तत्कालीन भारतीय प्रधानमन्त्री जवाहरलाल नेहरुले नेपालका राजा महेन्द्रलाई लेखेको पत्रमा कालापानी क्षेत्रमा अल्पकालका लागि भारतिय सेना राख्न दिन आग्रह गरेको ब्यहोरा उल्लेख भएको हुँदा उक्त पत्र सार्वजनिक गर्न उनले माग गरेका हुन् ।
नेपालका उत्तरी सीमामा रहेका १८ भारतीय सैनिक चेकपोस्टहरु मध्ये अरु सबै चेकपोस्टहरु हटाउन भारत तयार रहेको त्यस समयमा कालापानी क्षेत्रमा रहेका सैनिकलाई भने काम नसकुन्जेल त्यहाँ रहन दिनको लागि नेपाललाई अनुरोध गरिएको त्यो पत्र जरुरी महत्वको रहेकोले तत्काल खोजी गर्नुपर्ने र त्यसलाई नेपालले भारतसङ्गको सीमाविवाद वार्तामा आफ्नो दरिलो प्रमाण बनाउन उनले सरकारलाई सुझाएका छन् ।
त्यस्तै save the border campaign, Nepal अभियन्ता, नेकपाका नेता सोनाम साथी, नारायण प्रसाद शर्मा लगायतले पनि भरत गौतमको भनाईमा थप जोड दिदै लद्दाख युद्द पश्च्यात नेहरुले राजा महेन्द्रलाई लेखेको चिठी खोज्नु पर्नेमा जोड दिएका छन् । त्यो चिठी गतिलो प्रमाण रहने उनीहरुको पनि दाबी छ ।
गौतम लामो समय माओवादीमा आवद्ध रहि कम्युनिष्ट आन्दोलनमा सकृय रहदै आएका छन् ।
वि.सं.२०७७ जेठ ८ बिहीवार १७:४९ मा प्रकाशित
