हामी सबैकाे संसारन्यूज

१३ जेठ, काठमाडौँ । संघीय संसद्का प्रतिनिधिसभा र राष्ट्रिय सभाको लोगोमा परिवर्तन गरिएको छ ।

संसद्को लोगोमा कालापानी, लिपुलेक र लिम्पियाधुरा समेटिएको अद्यावधिक गरिएको नेपालको नक्सा राखिएको छ । नयाँ लोगोलाई मंगलबारको बैठकबाट प्रयोगमा ल्याइएको छ ।

संघीय संसद्को प्रतिनिधिसभा र राष्ट्रिय सभाका कार्यव्यवस्था परामर्श समितिका आइतबारका बैठकले संघीय संसद्को लोगो र सांसदहरूले लगाउने लोगोमा अद्यावधिक नक्सा राख्ने निर्णय गरेका थिए ।

सरकारले यही जेठ ७ गते भारतले अतिक्रमण गरेको लिम्पियाधुरा, लिपुलेक र कालापानी क्षेत्र समेटेर नयाँ राजनीतिक तथा प्रशासनिक नक्सा सार्वजनिक गरेको थियो ।

नयाँ नक्सा सार्वजनिक भएसँगै सरकारले संविधानको अनूसूची–३ मा रहेको नेपालको निसान छाप परिवर्तन गर्न संविधान संशोधन प्रस्ताव संसद्मा दर्ता गरिसकेको छ।