हामी सबैकाे संसारन्यूज

१९ जेठ, काठमाण्डौं । नेपाली कांग्रेसका नेता तथा सांसद गगन थापाले सोति घटनाको सत्यत्थ्य पत्ता लगाउन सर्वदलिय संसदीय छानविन समिति गठन गर्न माग गरेका छन् ।

सांसद थापाले सोमबार संसदमा आफ्ना भनाई राख्दै रुकुममा ४ जनाको ज्यान जाने गरी र एक वेप्त्रा हुने गरी भएको दर्दनाक घटना र लकडाउन अवधिभरी भएको जातिय विभेदमा ३२ जना भन्दा बढी दलितहरुको बलात्कार, हत्या, आत्महत्यालगायतका घटना छानविन गर्न अविलम्ब सर्वदलिय संसदीय छानविन समिति बनाउन माग गरेका हुन् ।

‘सम्मानित सदनले यो नबनाएसम्म हामी मागिरहने छौ र न्यायको पक्षमा बोलिरहने छौ र लडिरहनेछौं ।’

नेता थापाले रुकुममा घटेको अमानविय र क्रुर घटनालाई भवितव्य हो भनेर देखाउन र सहायक कारणहरु देखाएर घटनाको जरामा रहेको उच्च जातिय अहंकारको ढाकछोप गर्न संगठित प्रयत्न भइरहेको आरोप लगाउँदै भनेका छन्, ‘राज्यको यो लाचारीलाई संसदले टुलुटुलु हेरेर बसिरहने लाज पनि हामीसँग लजाउँछ ।’