Sansar News
२५ जेठ, काठमाण्डौं । गण्डकी प्रदेशमा आज ३८ जनामा कोरोना संक्रमण भएको पुष्टि भएको छ ।
गण्डकी प्रदेशको सामाजिक विकास मन्त्रालय स्वास्थ्य निर्देशनालयका अनुसार आज ३८ जना नयाँ संक्रमित थपिएका हुन् ।
आज थपिएकामा स्याङजाको वालिङ नगरपालिकाका २९, ४९, ३४, ५२, ३८, ३१, २५, २७, ४६, ३७, २१, १८ र ३२ वर्षीय १३ जना र भिरकोट नगरपालिकाका ४५ वर्षीय पुरुष रहेका छन् ।
त्यस्तै बाग्लुङ बडिगाड गाउँपालिकाका २५,३२,२५,५२,४२,२२,२९,२९,२६ र उमेर नखुलेका १ जना गरी जम्मा १० जना र ढोरपाटन नगरपालिकाका २६ वर्षीय पुरुषमा जनामा संक्रमण पुष्टि भएको छ ।
गोरखाका १० जनामा पनि संक्रमण भएको पुष्टि भएको छ । पालुङटार नगरपालिका १७ वर्षीय पुरुष र गण्डकी नगरपालिकाका २५,३२,२०,४३,३०,२०,२१,२१ र २३ वर्षीय रहेका छन् ।
त्यस्तै नवलपरासी बर्दघाट सुस्ता पूर्व हुप्सेकोटा गाउँपालिका ४ जनामा पुष्टि भएको छ । उनीहरु २०,३५, ३५ र ४५ वर्षीय पुरुष रहेका छन् । आज पुष्टि भएका ३८ जनालाई नै आइसोलेसनमा लैजाने तयारी भएको स्वास्थ्य निर्देशनालयले जानकारी दिएको छ ।
वि.सं.२०७७ जेठ २५ आइतवार ०९:११ मा प्रकाशित
