हामी सबैकाे संसारन्यूज

६ असार, गुल्मी । गुल्मीको हाडहाडेंको सुना ओडार नजिकै आज दिउँसो करिव १.३० बजेको समयमा लु.१. ग ३९९७ नम्बरको एक सवारी जिप दुर्घटना भएको छ ।

धुर्कोट गाउँपालिका वडा नं ३ हाडहाडेको घोँसबाट निन्यूखर्क हुँदै साविक वडा नं ६ मल्ज्याङ्ग जाने क्रममा ६ जना सबार जिप दुर्घटना भएको थियो । हिलोमाटोमा फसेको बेला माथिबाट पहिरो आएर गाडीलाई पुरेको हाडहाडेका वडा अध्यक्ष विष्णु बहादुर थापा श्रीसले जानकारी दिए ।

पुर्कोट दहप्रहरी चौकीका इन्सपेक्टर पंकज दुँदालीका अनुसार स्थानीय अन्दाजी वर्ष १८ का तुल्शिराम काउछाको घटनास्थलमै मृत्यू भएको छ । जिपका ड्राइभर अन्दाजी २० वर्षका प्रदिप पुन र वर्ष १८ का रमेश राना गम्भिर घाइते छन् ।

अन्य तिन जना सामान्य घाईते भएको जानकारी प्राप्त भएको छ । उद्धारका लागि धुर्कोट र पुर्कोटबाट प्रहरी टोली खटिएको जिल्ला प्रहरी कार्यालयले जनाएको छ । घटना स्थलमा सम्वन्धित वडाका जनप्रतिनिधि र स्थानीय बासिन्दा खटिरहेका छन् ।