Sansar News
६ असार, काठमाडौँ । दुई छिमेकी देश चीन र भारत बीचको पछिल्लो द्वन्द्वबारे नेपाल सरकारले आफ्नो धारणा सार्वजनिक गरेको छ ।
नेपाल कम्युनिष्ट पार्टी(नेकपा)को नेतृत्वमा चलेको सरकारले चिनीयासँग बढी हिमचिम गरेको भन्ने भारतीय पक्षको टिप्पणी बढीरहेकै बेला नेपाल सरकार परराष्ट्र मन्त्रालयमार्फत आफ्नो धारणा सार्वजनिक भएको हो ।
मन्त्रालयद्वारा जारी २० जुन २०२० मा जारी विज्ञप्तीमा नेपालले द्वन्द्वमा रहेका जुनसुकै देशहरुबीच शान्तिपूर्ण प्रक्रियाद्वारा समाधान गरुन् भन्नेमा आफ्नो धारणा राखेको छ ।
नेपाल सँधै क्षेत्रीय र विश्व शान्तिको पक्षमा उभिएको परिप्रेक्ष्यमा चीन भारत सीमा क्षेत्रको ग्यालवान उपत्यकामा हालै विकसित घटनाक्रमको समाधान मैत्रीपूर्ण छिमेक सम्बन्धको आधारमा हल हुने विश्वास नेपालको रहेको विज्ञप्तीमा उल्लेख छ ।
साथै द्विपक्षीय, क्षेत्रीय, विश्वशान्ति र स्थायीत्वका लागि शान्तिपूर्ण प्रक्रिया नै महत्वपूर्ण रहेको नेपालले स्मरण गराएको छ ।
वि.सं.२०७७ असार ६ शनिवार १७:५० मा प्रकाशित
