-->
Logo
१६ असार २०७९, बिहीबार
     Thu Jun 30 2022
E-paper
  English Edition
   Unicode
Logo

पाल्पामा पहिरोले पुरिएर तीन जनाको मृत्यु



८ असार, काठमाण्डौं । पाल्पामा सोमबार दिउँसो गएको पहिरोका कारण तीनजनाको मृत्यु भएको छ ।

पाल्पाको तानसेन नगरपालिकाको वडा नं ११ जोगिपानीस्थित सम्मोबारी भन्ने ठाउँमा आज दिउँसो २ बजेतिर गएको पहिरोले पुरिएर २ जनाको घटनास्थलमै र उद्धार गरिएका एकजनाको पाल्पाको मिशन अस्पतालमा उपचारका क्रममा मृत्यु भएको जिल्ला प्रहरी कार्यालय पाल्पाले जानकारी दिएको छ ।

जिल्ला प्रहरी कार्यालय पाल्पाका इन्सपेक्टर सुरज श्रेष्ठका अनुसार उक्त ठाउँमा बिहान गएको पहिरो काटेर बाटो खुलाउने काम भइरहेको अवस्थामा पहिरोका कारण रोकिएर बसेका ट्रक र ट्यांकर माथिबाट खसेको पहिरोले बगाएर लैजादा दुईको घटास्थलमै र १ को उपचारका क्रममा सोमबार बेलुका ७ बजेतिर मृत्यु भएको हो ।

उनका अनुसार ट्रकका ड्राइभर गाडी बाहिरै रहेको र ट्यांकरमा कतिजना थिए भन्ने यकिन भएको छैन । ट्रक र ट्यांकर पाल्पाबाट गुल्मी जाँदै गरेको अवस्थामा पहिरोका कारण बाटोमै रोकिएका थिए ।

‘बिहानै गएको पहिरो काटेर बाटो खुलाउने काम भइरहेको थियो । एक्कासी माथिबाट आएको पहिरोले ट्रक र ट्याकंर बगाएर लैजादा दुईजनाको घटनास्थलमै र एकको उपचारका क्रममा मृत्यु भएको हो,’ इन्सपेक्टर श्रेष्ठले भने, ‘यतिजना पुरिएका छन् भन्ने यकिन भएको छैन घटनास्थलमा मोटरसाइकलको हेल्मेट भेटिएको, तर मोटरसाइकल देखिएन ।’

उनले दिउसोदेखि सेना र प्रहरीले उद्धार कार्य जारी राखेपनि पानी परेको र उद्धारका क्रममा थप मानिस नभेटिएकाले आजलाई उद्धार कार्य बन्द गरिएको संसारन्युजलाई जानकारी दिएका छन् । उनले मृतकहरुको अहिलेसम्म सनाखत नभएको समेत जानकारी दिएका छन् ।

तस्बिर: तिलक केसी

 


यो खबर पढेर तपाईलाई कस्तो महसुस भयो ?

काठमाडाैं । नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका पूर्व पोलिटब्युरो सदस्य तथा सेती–महाकाली

रामपुर । पहिराले अवरुद्ध बनेको सिद्धार्थ राजमार्गअन्तर्गत पाल्पा–बुटवल सडकखण्ड सञ्चालन भएको छ । अविरल

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस