हामी सबैकाे संसारन्यूज

१५ असार, काठमाडौं । बिहारमा आतंककारीको घुसपैठ हुनसक्ने भन्दै राज्यको सबै जिल्लामा उच्च सर्तकता जारी गरिएको छ । समाचार एजेन्सी एएनआईको रिपोर्टअनुसार तालिबान र जैश–ए–मोहम्मदको आतंककारी समुह नेपाल बोर्डर हुँदै बिहारमा जान सक्ने भन्दै उच्च सर्तकता जारी गरिएको हो ।

एएनआईको रिपोर्टअनुुसार आईएसआईले ५ देखि ६ आतंककारी भारत पठाउने योजना बनाएको उल्लेख छ ।

आतंककारीको हिट लिस्टमा केन्द्रीय गृहमन्त्री

भारतको राष्ट्रिय अनुसन्धान संस्थाले जनाएअनुसार आतंकारीको मुख्य निशानामा केन्द्रीय गृहमन्त्री अमित शाह रहेका छन् । जनाइएअनुसार आतंककारी समुहले राष्ट्रिय अनुसन्धान संस्थाको इमेलमा धम्कीसहितको इमेल पठाएका थिए । जसमा अमित शाहसहितका भाजपा नेताको नाम छ ।

सबै गतिविधिमा विशेष निगरानी

भारतको केन्द्रिय सुरक्षा समितिले जारी गरेको उच्च सर्तकतामा कश्मीरी आतंकवादी, जैश–ए–मोहम्मद, अल कायदा, तालिबानलगायतका मुश्लिम कट्टरपन्थीको संगठनका गतिविधिप्रति विशेष ध्यान दिन निर्देश गरिएको छ । साथै सीमा क्षेत्रमा वारपार गर्ने सबैलाई विशेष सुरक्षा जाँग गर्न भनिएको छ । भास्करबाट