हामी सबैकाे संसारन्यूज

१८ असार, काठमाडौँ ।  वैदेशिक रोजगार विभागले  नेपाली श्रमिकलाई प्राविधिक प्रशिक्षार्थी कामदारका रुपमा जापान पठाउने अनुमति पाएको इन्टरनेशनल ट्रेनिङ कोपरेशन अर्गनाइजेसन (जिट्को) अन्तर्गत  जापान पठाउन सूचीकृत संस्थाहरुलाई नवीकरण गर्न आह्वान गरेको छ ।

संस्था नविकरणका लागि निवेदनका साथमा नविकरण दस्तुर बापत रु. १० हजार बुझाइएको रसिद, अघिल्लो नविकरण मिति खुलेको सूचीकरण प्रमाणपत्रको प्रतिलिपि, जिट्को मार्फत आ.ब ०७५/०७६ मा पठाएको कामदारको संस्था बुझाउनु पर्नेछ ।

त्यस्तै आ.व. २०७८ वासो भन्दा अगाडी आ.व सम्मका लागि नविकरण भएको प्रमाणपत्र, बैंक ग्यारेन्टी र नगद धरौटी, आ.व २०७५/०७६ को कर चुक्ता प्रमाणपत्र र कम्पनी अध्यावधिक भएको वा सो को प्रक्रिया सुरु गरिएको प्रमाणित हुने कागजातको प्रतिलिपी पनि निवेदनका साथमा संलग्न गर्नुपर्नेछ ।

निवेदन जुलाई ३१ भित्रमा बुझाउनु पर्ने जनाइएको छ ।