Sansar News
काठमाडौं । प्रधानमन्त्री केपि शर्मा ओली उपस्थिति नभएपछि बिहिबार दिउँसो बसेको स्थायी समितिको बैठक पनि स्थगित भएको छ । बैठक आगामी शनिबारसम्मको लागि स्थगित भएको नेकपाका एक नेताले बताएका छन् ।
उनले जनाएअनुसार प्रधानमन्त्री निवास बालुवाटारमा बसेको बैठकमा प्रधानमन्त्री ओली भने उपस्थित थिएनन् । पार्टी अध्यक्ष पुष्पकमल दाहाल ‘प्रचण्ड’ शितल निवासबाट फर्किए लगत्तै सुरु भएको बैठक ओलीको अनुपस्थितिसँगै लगत्तै स्थगित भएको थियो ।
बैठकमा प्रचण्डले राष्ट्रपति विद्या भण्डारीसँगको भेटको विषयमा जानकारी गराएका थिए । छोटो बैठकमा नेताहरुले शीर्ष तहबीच गम्भीर छलफलको खाँचो औंल्याएका थिए ।
यसअघि बिहान ११ बजे बसेको बैठकमा पनि प्रधानमन्त्री ओली उपस्थित थिएनन् । मन्त्रिपरिषद बैठकमा सहभागी भएका ओली स्थायी समिति बैठकमा नआएपछि बैठक अलमलमा परेको थियो ।
आकस्मिक रुपमा गरिएको मन्त्रिपरिषद बैठकले संसदको चालु अधिवेशन अन्त्य गर्ने निर्णय गरेसँगै नेकपाभित्र थप अन्यौंलता बढेको छ । शीर्ष नेताहरु दिनभर बेग्ला–बेग्लै छलफलमा जुटेका थिए ।
वि.सं.२०७७ असार १८ बिहीवार १६:५२ मा प्रकाशित
