हामी सबैकाे संसारन्यूज

२३ असार, काठमाडौं । नाडाले एक्जिमकोड नविकरणको म्याद आगामी असोजसम्म बढाउन सरकारसंग आग्रह गरेको छ ।

नाडा अध्यक्ष एवम् नेपाल उद्योग वाणिज्य महासंघका कार्यकारिणी सदस्य तथा राजश्व समितिका उपसभापति कृष्णप्रसाद दुलालको नेतृत्वमा गएको प्रतिनिधि मण्डलले भन्सार विभागका महानिर्देशक सुमन दाहालसंग भेटी सो अनुरोध गरेको हो ।

नाडाका अनुसार हाल नेपालमा ३० हजार भन्दाबढी व्यावसायीक कम्पनीहरु एक्जीम कोडमा दर्ता रहेका छन् । कोरोना भाईरसको माहामारीका कारण हालसम्म पनि बन्दाबन्दी कायम रहेको, सडकमा जोर विजोरको आधारमा सवारी साधन सञ्चालनमा रहेको तथा सर्वोच्च अदालतले पनि यो अबस्थालाई जिरो आवरको घोषणा गरेको अवगत गराएको छ ।

अहिलेको स्थितिमा एक्जिम कोडको नविकरण गर्ने कम्पनीहरु १५ सयको हाराहरीमा मात्र रहेको भन्दै नाडाले सवै कम्पनीहरुले निर्धारित समयावधि भित्र नविकरण गर्न नसक्ने अवस्था रहेकोले नविकरणको म्याद थप गर्न अनुरोध गरेको हो ।

एक्जीम कोड नविकरण गर्ने म्याद यहि २०७७ असार मसान्तसम्म मात्र रहेको छ । भेटमा दुलाल लगायत नेपाल उद्योग वाणिज्य महासंघका कार्यकारिणी सदस्य तथा रोजगार दाता समितिका उप सभापति भरतराज आचायर्, नाडाका एशोसिएशन सचिव सुरेन्द्र प्रधान तथा नेपाल उद्योग वाणिज्य महासंघका अधिकृत लोकराज जोशी समेतको उपस्थ्तिि रहेको थियो ।