Sansar News
काठमाडौं । सत्तारुढ नेकपाका अध्यक्ष पुष्पकमल दाहाल ‘प्रचण्ड’को कोरोना परीक्षण गरिने भएको छ । स्वास्थ्य मन्त्रालयले जनाएअनुसार गृहजिल्ला चितवन पुगेका प्रचण्डको काठमाडौं फर्किए लगत्तै आइसोलेसनमा राखेर कोरोना परीक्षण गरिनेछ ।
नेता तथा कार्यकर्तासँग बाक्लो भेटघाट गरेका प्रचण्डमा कोरोना संक्रमण हुन सक्ने आशंकामा परीक्षण गरिन लागेको बताइएको छ । शुक्रबार गृहजिल्ला चितवन पुगेका प्रचण्डले नेता तथा कार्यकतासँग सामुहिक भेटघाट एंव बाढी प्रभावित क्षेत्रको सामुहिक निरिक्षण गरेका थिए ।
काठमाडौं फर्किए लगत्तै प्रचण्डको प्रधानमन्त्री ओली, राष्ट्रपति र आफ्नै दलका उच्च नेताहरुसँग भेटघाटको कार्यक्रम छ । उनिमाथि कोरोना संक्रमण देखिए सबैलाई संक्रमणको खतरा रहन्छ ।
काठमाडौं फर्किए लगत्तै प्रचण्डको प्रधानमन्त्री ओली, राष्ट्रपति र आफ्नै दलका उच्च नेताहरुसँग भेटघाटको कार्यक्रम छ । उनिमाथि कोरोना संक्रमण देखिए सबैलाई संक्रमणको खतरा रहन्छ । साथै उनकी पत्नी सीता दाहालको पनि स्वास्थ्य अवस्था कमजोर रहेको कारण सजग रहनुपर्ने हुन्छ ।
प्रचण्डले यसअघि पनि कोरोनाको पिसिआर परीक्षण गरेका थिए । तर चितवनमा उनको भेटघाट निकै बाक्लो रहेको थियो । चितवन कोरोना महामारी प्रभावित जिल्लासमेत हो ।
वि.सं.२०७७ असार २९ सोमवार १४:१४ मा प्रकाशित
