हामी सबैकाे संसारन्यूज

काठमाडौं । जनता समाजवादी पार्टीका नेता डा. बाबुराम भट्टराईले प्रधानमन्त्री केपी शर्मा ओलीलाई छाडा छाड्दा खतरा हुने बताएका छन् । उनले ओलीको उपचार खोज्नुपर्ने पनि बताए ।

प्रधानमन्त्री केपी शर्मा ओलीकोे विवादास्पद अभिव्यक्तिबारे टिप्पणी गर्दै उनले उपचारको खाँचो औंल्याएका हुन् । सामाजिक सञ्जाल ट्विटरमार्फत बोल्दै भट्टराईले ओलीको वचन र कर्मले सीमा नाघेको बताए ।

‘अति गरे खति हुन्छ भन्छन् १ प्रम केपी ओलीका वचनरकर्मले सीमा नाघ्दैछन् !’ भट्टराईले भने, ‘संसदमा ‘सिंहमेव जयते’र बेसार–पुराणदेखि अयोध्या–पुराणसम्म आउँदा वहाँको चिन्तनप्रणाली स्वस्थ देखिन्न।’

अति गरे खति हुन्छ भन्छन्!प्रम@kpsharmaoli का वचन/कर्मले सीमा नाघ्दैछन्!संसदमा ‘सिंहमेव जयते’र बेसार-पुराणदेखि अयोध्या-पुराणसम्म आउँदा वहाँको चिन्तनप्रणाली स्वस्थ देखिन्न।संसद स्थगन गरेर अध्यादेश /संकटकालको‘खड्ग’समेत वहाँको हातमा छ! अब वहाँलाई छाडा छोड्नु खतरनाक हुनेछ!उपचार खोजौं! https://t.co/zcxpsGEshn

— Baburam Bhattarai (@brb1954) July 14, 2020

उनले ओलीमा पलाएको अस्वस्थ चिन्तनले मुलुकलाई जता पनि लैजान सक्ने खतरा रहेको बताए । ‘संसद स्थगन गरेर अध्यादेश रसंकटकालको‘खड्ग’समेत वहाँको हातमा छ ! अब वहाँलाई छाडा छोड्नु खतरनाक हुनेछ !’ उनले भने, ‘उपचार खोजौं !’

भानु जयन्तीका अवसरमा सोमबार बालुवाटारमा आयोजित कार्यक्रममा प्रधानमन्त्री ओलीले अयोध्या नेपालमा रहेको दाबी गरेका थिए । उनले भारतले तथ्यहरुलाई बंग्याउँदै नेपालको संस्कृतिमाथि अतिक्रमण गरेको टिप्पणी गरेका थिए ।

जुन अभिव्यक्तिप्रति नेपाल तथा भारतमा निकै आलोचना भएको छ । सामाजिक सञ्जालमा सक्रिय प्रयोगकर्ताले ओलीको निकै व्यंग्य गरेका छन् ।