Sansar News
३० असार, काठमाण्डौं । सोमबार अहिलेसम्मकै उच्च मूल्य कायम भएको सुनको मूल्य आज फेरि केही रुपैयाँले तल झरेको छ ।
सोमबार प्रतितोला ९२ हजार ३०० मा कारोबार भएको छापावाल सुनको मूल्य आज सय रुपैयाँले घटेर ९२ हजार २०० मा कारोबार भइरहेको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य प्रतितोला ९१ हजार ७६० मा कारोबार भइरहेको छ । सोमबारको तुलनामा तेजावी सुनको मूल्य पनि प्रतितोला १०५ रुपैयाँले घटेको हो ।
त्यसैगरी सोमबार ९९० मा कारोबार भएको चाँदीको भाउ आज प्रतितोला ५ रुपैयाँले बृद्धि भएर आज प्रतितोला ९९५ मा कारोबार भइरहेको छ ।
वि.सं.२०७७ असार ३० मंगलवार १३:२१ मा प्रकाशित
