Sansar News
२ साउन, काठमाडौँ । क्रिकेट अष्ट्रेलिया (सिए) ले इंल्याण्ड विरुद्धको श्रृखलाको तयारीका लागि २६ खेलाडीहरु सामिल गरेर प्रारम्भिक टिम गठन गरेको छ । अष्ट्रेलियाले इंल्याण्ड विरुद्ध सेप्टेम्बरमा एकदिवसीय र टि २० श्रृखला खेल्ने छ ।
यसै श्रृखलाको तयारीका लागि अष्ट्रेलियाले प्रारम्भिक टिम गठन गरेको छ । २६ खेलाडीहरु सामिल रहेको टिममा डानियल साम्स, रीले मेरेडिथ र जोस फिलिप नयाँ अनुहार रहेका छन । त्यसैगरि अष्ट्रेलियन क्रिकेट टिमका अलराउण्डर ग्लेन म्याक्सवेल करिब १ वर्ष पछि टिममा फर्केका छन । उस्मान ख्वाजा, एन्ड्रु टाय र ट्रेभिस हेड पनि २६ खेलाडी भित्र पर्न सफल भएका छन ।
पिटर ह्यान्डसकम्ब, सन मार्स र नेथन कुल्टन नाइल भने २६ खेलाडीमा समिल छैनन् ।
प्रारम्भिक टिमका २६ खेलाडीहरुको नाम यस प्रकारको रहेको छ :
एरन फिन्च, डेभिड वार्नर,स्टेभ स्मिथ, एलेक्स केरी, ग्लेन म्याक्सवेल, प्याट कमिन्स, एस्टन एगर, सेन एबट, जोस हज्लीउड, ट्रेभिस हेड, उस्मान ख्वाजा, मार्नस लाबुस्कागने, नेथन लायन, मिचेल मार्स, , बेन म्याकडोरमोट, रिले मेरिडेथ, मिचेल नेसर, जोस फिलिप, डानियल साम्स, डाआर्सी सर्ट, केन रिचार्डसन, मिचेल स्टार्क, मार्कस स्टोइनिस, एन्ड्र टाय, म्याथ्यु वेड, एडम जम्पा।
वि.सं.२०७७ साउन २ शुक्रवार १६:०८ मा प्रकाशित
