हामी सबैकाे संसारन्यूज

काठमाडौं । प्रधानमन्त्री केपी शर्मा ओलीको विवादास्पद राम र अयोध्याबारेको अभिव्यक्तिपछि भारतमा नेपालीहरुमाथि ज्यादती सुरु भएको छ । भारतमा बस्ने नेपालीमाथि हिन्दु कट्टरवादीहरुले ज्यादती दिन थालेका हुन् ।

हालै मात्र हिन्दुवादी संगठन विश्व हिन्दु सेनाले भारतमा बस्ने नेपालीको जबरजस्ती टाउको मुण्डन गरि जय श्रीराम लेखेर छाडेका छन् । कपाल खौरिएर श्रीराम लेखिएको भिडियो अहिले सामाजिक सञ्जालमा पनि भाईरल बनेको छ ।

भिडियोमा नेपालीको कपाल मुण्डन गर्दै गर्दा विश्व हिन्दु सेनाका कार्यकर्ताले नेपाल र प्रधानमन्त्री ओलीको विरुद्वमा नाराबाजी गरेको देखिन्छ । उनीहरुले प्रधानमन्त्री ओलीलाई होस आउन चेतावनी पूर्णं आग्रह छन् ।

उत्तरप्रदेशको मुख्यमंत्री कार्यालयसंग कुरा भएको छ।

— Nilamber Acharya (@nilacharya) July 17, 2020

यता भिडियो भाईरल बनेसँगै भारतका लागि नेपाली राजदूत नीलाम्बर आचार्यले उत्तर प्रदेशको मुख्यमन्त्री कार्यालयसँग घटनाबारे जानकारी मागेको बताएका छन् । सामाजिक सञ्जालमा भिडियो भाईरल बनेसँगै धेरैको प्रश्नको तारो बनेका उनले भिडियोसहित कुराकानी भएको कुरा सामाजिक सञ्जालमार्फत जानकारी गराएका हुन् ।

गत असार २९ मा आदिकवि भानुभक्त जयन्तीको दिन आयोजित कार्यक्रममा प्रधानमन्त्री केपी शर्मा ओलीले हिन्दुहरुका भगवान राम नेपालमा जन्मेको र अयोध्या पनि नेपालमा रहेको बताएका थिए । उनले यस्तो अभिव्यक्ति दिएसँगै भारतमा नेपाल र नेपाली विरोधी अभियान सुरु भएको छ ।

https://www.facebook.com/sansarnewsnepal/videos/589728461729238