हामी सबैकाे संसारन्यूज

६ साउन, काठमाण्डौं । धादिङमा अविरल वर्षाका कारण मध्येरातिमा गएको पहिरोमा पुरिएर एकै परिवारका तीनको मृत्यु भएको छ ।

मृत्यु हुनेमा त्रिपुरासुन्दरी गाउँपालिका ६ गोलाङका २५ वर्षीय मिलन खाँड, उनकी श्रीमती २२ वर्षीया सम्झना र अन्दाजी २-३ वर्षकी छोरी अन्जिता खाँडको मृत्यु भएको जिल्ला प्रहरी कार्यालय धादिङले जानकारी दिएको छ ।

‘राति साढे ४ बजेतिर परिवारै बेपत्ता भनेर छिमेकीबाट खबर आयो । त्यहाँ पुगेर उद्धार गर्ने क्रममा परिवारका तीनजनाको शब निकालियो,’ जिल्ला प्रहरी कार्यालय धादिङका डीएसपी रुपक खड्काले संसारन्युजलाई भने,‘ उक्त घरमा उहाँहरु तीनजनामात्र हुनुहुँदोरहेछ ।’ file photo