हामी सबैकाे संसारन्यूज

काठमाडौं । पूर्वसशस्त्र प्रहरी नायब महानिरीक्षक (डिआईजी) रञ्जन कोइराला जेलमुक्त भएका छन् । सर्वौच्चको आदेशपछि ज्यान मुद्दामा कैद परेका उनी ८ वर्ष ६ महिना कैद सजाय भुक्तान गरि बिहिबार जेलमुक्त भएका हुन् । डिल्लीबजार कारागार प्रशासनले उनलाई जेलमुक्त गरेको हो ।

डिआईजी रञ्जन कोइराला आफ्नै श्रीमति गीता ढकालको हत्या गरेको मुद्दामा जेल परेका थिए । २०६८ को माघमा कोइरालाले आफ्नै श्रीमतिको हत्या गरेका थिए । हत्यापश्चात उनले घटना लुकाउन शवसमेत जलाएर प्रमाण नष्ट गरेका थिए ।

उनलाई प्रहरीले २०६८ माघ २८ मा पक्राउ गरेको थियो ।

ज्यान मुद्दामा पक्राउ परेका कोइरालालाई जिल्ला अदालत र पुनरावेदनले सर्वश्वसहित जन्मकैदको फैसला सुनाएको थियो । तर, सर्वौच्चका प्रधानन्यायाधीश चोलेन्द्रशमशेर जबरा र तेजबहादुर केसीको इजलासले भने सजाय घटाउने फैसला गरि रिहा गराएको हो ।

उनलाई श्रीमतिको मृत्युपछि दुई छोराको हेरचाह, संरक्षण र शिक्षामा प्रभाव पर्ने भन्दै सजाय घटाइएको छ ।