हामी सबैकाे संसारन्यूज

११ साउन, काठमाडौँ । धनुषामा कोरोनाबाट एक जनाको मृत्यु भएको छ।

धनुषाको शहिदनगर नगरपालिका डुमरीयाका ३८ वर्षीय पुरुषको मृत्यु भएको हो। कोरोनाबाट धनुषामा पहिलो व्यक्तिको मृत्यु भएको हो।

करिब एक हप्तादेखि कोरोनाको लक्षण देखिएकोमा शनिबार प्रादेशिक अस्पतालमा भर्ना गरिएको थियो । अवस्था जटिल हुँदै गएपछि आज जनकपुरधामस्थित प्रादेशिक अस्पतालबाट विपि कोइराला विज्ञान प्रतिष्ठान लैजाँदै गर्दा उनको बाटोमै मृत्यु भएको कोभिड १९ विशेष अस्पताल जनकपुरधामका प्रमुख डा. जामुन सिंहले जानकारी दिए।

अस्पतालमा भर्ना भएपछि उनको स्वाब परीक्षण गरिएकोमा आज नै उनको स्वाब परिक्षणको रिपोर्ट पोजेटिभ आएको हो।

यो सँगै देशभर कोरोनाबाट मृत्यु हुनेको संख्या ४७ पुगेको छ।