हामी सबैकाे संसारन्यूज

१३ साउन, बलेवा । बागलुङको विभिन्न ठाउँमा पहिरोमा परी चार जनाको मृत्यु भएको छ । सोम्बामार रातिदेखि निरन्तर भइरहेको वर्षासँगै आएको पहिरोले घर पुरिँदा तमानखोला गाउँपालिका–२ मा पालबहादुर विकका १३ बर्षीय छोरा खिमबहादुर विक र १२ बर्षीया छोरी रीता विकको मृत्यु भएको छ ।

घरमा सुतिरहेको अवस्थामा घरमाथिबाट आएको पहिरोले उनीहरुलाई बाढीपहिरोमा पुरेको प्रहरीले जनाएको छ । सँगै सुतेकी मृतककी आमा होमकुमारी विक गम्भीर घाइते हुनुभएकीे छन् । उँनलाई उपचारका लागि अस्पताल पठाउने तयारी भइहेको छ । पालबहादुर रोजगारीको सिलसिलामा विदेशमा रहेका छन् । घर क्षतविक्षत अवस्थामा रहेको प्रहरी नायब उपरीक्षक राजेन्द्र रेग्मीले जानकारी दिए ।

त्यस्तै निसीखोला गाउँपालिका–१ मा एक घर पहिरोले पुरेको छ । पहिरोमा परी अन्दाजी पाँच वर्र्षीय समिर परियारको मृत्यु भएको प्रनाउ रेग्मीले बताए । निसीखोला गाउँपालिकामानै अन्दाजी ६० बर्षीया एक महिलाको शव खोलाको छेउमा फेलापरेको छ । उँनको पहिचान नखुलेको जनाइएको छ । रासस