हामी सबैकाे संसारन्यूज

१४ साउन, काठमाडौं ।  न्यायाधिश टेक नारायण कुँवरले सरकारले लकडाउन खुल्ला गर्ने निर्णय गरेसँगै कोरोनाको संक्रमण गति नकरात्मक दिशातर्फ उन्मुख रहेको बताएका छन् ।

न्यायाधिश कुँवरले खासगरी काठमाण्डौं उपत्यकामा भोलीका दिनमा भयावह स्थिति आउने हो कि भन्ने संकेत देखिन थालेको समेत बताएका छन् ।
मुलतः सार्वजनिक सेवा प्रवाह गर्ने सरकारी निकाय र संस्थानहरुमा कामगर्ने राष्ट्र सेवकहरु सो जोखिमको अग्रभागमा रहने हुनाले सरकारले ती निकायमा कामगर्ने राष्ट्रसेवकको निम्ति छुट्टै विशेष सुरक्षा प्रोटोकल जारी गरी कडाइका साथ लागु गर्नुपर्ने बताएका छन् ।

‘लकडाउन खुल्ला गर्ने सरकारको निर्णयपछि कोरोना संक्रमणको गति नकारात्मक दिशातर्फ उन्मुख छ । खासगरी काठमाडौं उपत्यकामा भोलिका दिनमा भयावह स्थिति आउने हो कि भन्ने संकेत देखिन थालेको छ,’ सामाजिक संजालमा उनले लेखेका छन्, ‘ मूलतः सार्वजनिक सेवा प्रवाह गर्ने सरकारी निकायहरु र संस्थानहरुमा काम गर्ने राष्ट्रसेवकहरु सो जोखिमको अग्रभागमा रहने हुँदा सरकारले सरकारी निकायमा काम गर्ने राष्ट्रसेवकहरुका निम्ति एउटा छुट्टै विशेष सुरक्षा प्रोटोकल जारी गरी कडाइका साथ लागु गर्न निर्देशन दिनुपर्ने खाँचो एकातिर छ भने अर्कोतिर ती निकायमा कार्यरत जनशक्तिको अनिवार्य रुपमा कोरोना परीक्षण गर्न सरकारी निकाय पिच्छेको कार्यतालिका बनाई परीक्षण शुरु गर्नुपर्ने आवश्यकता देखिएको छ ।’

https://www.facebook.com/tn.kunwar/posts/10158241365032347