हामी सबैकाे संसारन्यूज

१९  साउन, काठमाडौं । अमेरिकामा रहेकी सवि थापा ले एसिड आक्रमणमा परेकी युवती पवित्रा कार्कीलाई आर्थिक सहयोग गरेकी छन् ।

म्याग्दी घर भई हाल अमेरिकाको मेरिल्याण्डमा रहेकी थापाले पीडित कार्कीलाई २० हजार रुपैयाँ आर्थिक सहयोग गरेकी हुन् ।

नेपालमा पछिल्लोपटक छोरीहरुमाथि बढ्दै गएको एसिड आक्रमणप्रति दुःख व्यक्त गर्दै पीडामा परेकी कार्कीलाई आफूले गरेको सहयोगले थोरै भएपनि राहत पुग्ने विश्वास आफूले गरेको थापाले बताएकी छन् ।

थापाले पठाएको उक्त रकम शनिबार (साउन १७ गते) सोलिडारिटी ट्रष्टकी अध्यक्ष चन्दा थापा (चन्द्रिका) ले कार्की उपचाररत किर्तीपुर अस्पतालमा गएर उनकी दिदी सुनिता थापालाई हस्तान्तरण गरेकी हुन् ।

ओखलढुंगाकी २२ वर्षीया कार्की साउन ८ गते सितापाइलामा एसिड आक्रमणमा परेकी हुन् । उनीमाथि एसिड प्रहार गर्ने रौतहट लक्ष्मीपुर घर भइ हाल काठमाण्डौंको डल्लुमा बस्ने मोहम्मद आलम र भारतीय नागरिक मुन्ना मोहम्मदलाई प्रहरीले पक्राउ गरिसकेको छ ।