Sansar News
काठमाडौं । सत्तारुढ नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’ आज पनि छलफलमा जुटेका छन् । पार्टीभित्रको आन्तरिक समस्या हल गर्न भन्दै अध्यक्षद्वय छलफलमा जुटेका हुन् ।
अध्यक्षद्वयबीचको छलफल केहिबेरदेखि प्रधानमन्त्रीको सरकारी निवास बालुवाटारमा जारी रहेको प्रधानमन्त्रीका प्रेस सल्लाहकार सुर्य थापाले जानकारी दिए ।
उनका अनुसार आजको छलफलमा वरिष्ठ नेता झलनाथ खनाल र संसदीय दलका उपनेता सुवास नेमाङ्गको पनि सहभागिता छ ।
आन्तरिक विवाद निरुपणका लागि भन्दै दुई अध्यक्षबीच केहिदिन यता छलफल चलिरहेको छ । गत आइतबार र सोमबार पनि नेताहरु छलफलमा जुटेका थिए । छलफल भएपनि सहमती भने जुट्न सकेको छैन् ।
वि.सं.२०७७ साउन २० मंगलवार १८:२४ मा प्रकाशित
