Sansar News
काठमाडौं । सामाजिक सञ्जाल फेसबुक, ट्विटर र यूट्युबले अमेरिकी राष्ट्रपति डोनाल्ड ट्रम्पको भिडियो पोष्ट डिलीट गरेका छन् । फक्स न्यूजलाई दिएको अन्तरवार्ताको भिडियो क्लिप फेसबुक, ट्विटर र यूट्युबले डिलीट गरेका हुन् ।
ट्विटरले उक्त भिडियो क्लिप भएको ट्वीट नमेटेसम्म ट्रम्पको ट्विट एकाउन्टमा पोष्ट नै गर्न बन्दसमेत गरिदिएको छ । साथै उनीहरूले डिलीटको कारण पनि खुलाएका छन् ।
किन डिलीट गरे ट्रम्पको भिडियो क्लिप ?
ट्रम्पले फक्स टेलिभिजनसँगको एक अन्तरवार्तामा कोरोना भाइरसबारे चर्चा गरेका थिए । उनले उक्त अन्तरवार्तामा बालबालिकामा कोरोना भाइरसविरुद्व लड्ने रोग प्रतिरोधात्मक क्षमता बढि हुने दाबी गरेका थिए ।
ट्रम्पले गरेको दाबा झुटो भएको भन्दै फेसबुक, ट्विटर अनि यूट्युबले उनको भिडियो क्लिप डिलेट गरेको हो । फेसबुक, ट्विटर अनि यूट्युबले उक्त भिडियोले कोरोना भाइरससम्बन्धी अफबा फैलाएको दाबी गरेका छन् । एजेन्सीबाट
वि.सं.२०७७ साउन २२ बिहीवार १८:४५ मा प्रकाशित
