Sansar News
काठमाडौं। कोरोना संक्रमणका कारण जनकपुरका पूर्वमेयर कृष्ण गिरीको मृत्यु भएको छ। राजधानी मेडिसिटी अस्पतालमा उपचारका क्रममा मंगलबार राति उनको मृत्यु भएको हो ।
पछिल्लो तीन सातायता मेडिसिटी अस्पतालमा उपचार गराइरहेका ७२ वर्षीय गिरी एक सातादेखि भेन्टिलेटरमा उपचार गराइरहेका थिए । जनकपुरधाममै रहेको अवस्थामा श्वासप्रश्वासमा समस्या देखिएपछि उनलाई हेलिकप्टर चार्टर गरी काठमाडौं ल्याइएको थियो ।
गिरीलाई १५ दिनअघि कोरोना संक्रमण पुष्टि भएको थियो।
२०४४ सालमा जनकुपरको मेयर भएका गिरी पछिल्लो समय होटल व्यवसायमा व्यस्त भएका थिए । उनले जनकपुरको मिल्स एरियामा रामा होटेल सञ्चालन गर्दै आएका छन् ।
वि.सं.२०७७ साउन २८ बुधवार ११:४२ मा प्रकाशित
