हामी सबैकाे संसारन्यूज

केही दिनअघिसम्म पीसीआर रिपोर्ट पोजेटिभ आयो भने कोरोना संक्रमितलाई अस्पताल राखिने गरिएको थियो । तर, अस्पताल भरिँदै गएपछि ‘होम आइसोलेसन’ को चर्चा चलेको छ । ‘होम आइसोलेसन’ भन्नेबितिकै संक्रमित व्यक्ति नितान्त छुट्टै बस्नु हो ।

अस्पतालमा ठाउँ नभएर घरमै यस्तो अवस्था सिर्जना भएको हो । सबैभन्दा पहिले ‘परिवारलाई नसरोस्’ भन्ने व्यक्ति संक्रमित भएको हो, उनी स्वयंं सतर्क हुन जरुरी छ । यसमा परिवारका सदस्य पनि सतर्क हुन आवश्यक पर्छ ।

संक्रमितलाई छुट्टै कोठामा राख्नुपर्ने हुन्छ । हावा आवतजावत गर्ने सरसफाईयुक्त कोठामा बस्नुपर्छ । संक्रमितले चलाएका सामान अन्य कुनै अर्को व्यक्तिले नछँुदा राम्रो मानिन्छ । सकभर शौचालय पनि छुट्टै प्रयोग गर्नुपर्छ । त्यसो नभएको अवस्थामा शौचालय सरसफाईमा विशेष ध्यान दिनुपर्छ ।

रोग प्रतिरोधात्मक क्षमता बढाउन ताजा झोलिलो पदार्थ पिउँदा राम्रो हुन्छ । केही व्यक्ति एक्लै बसेर धेरै कुरा सोच्दा ‘डिप्रेसन’ समेत भएको पाइएको छ ।

सकेसम्म आइसोलेसनमा बसेको बेला इन्टरनेट चलाउन सक्ने मोबाइल वा टिभी भएपछि समय बिताउन सजिलो हुन्छ । संक्रमितलाई घरका परिवारले हौसला प्रदान गर्नुपर्छ ।

आइसोलेसनमा बसेको बेला परिवारले जतिसक्यो, धेरै ‘मोटिभेसन’ प्रदान गर्नुपर्छ । संक्रमित होम आइसोलेसनमा बसेको बेला स्वास्थ्यकर्मी नजिक नहुन सक्छन । यदि संक्रमित भएको व्यक्तिलार्इृ सास फेर्न गाह्रो भयो, घाँटी दुख्नेलगायत समस्या देखियो भने सम्बन्धित निकाय (स्वास्थ्य संस्था) को नम्बर तयारी अवस्थामा राख्नुपर्ने छ ।

कोरोना बारे नकारात्मक कुरा सुन्नु भएन । उपचारबाट निको भएका पनि छन् । उनीहरुका कुरा पनि सुन्न सकिन्छ । होम आइसोलेसनमा बसेको भन्नुको मतलब परीक्षणमाबाट कोरोना पुष्टि भएको भन्ने बुझ्न जरुरी छ ।

होम आइसोलेसनमा बसेका व्यक्ति कोही–कसैमा एक्लोपना महसुस भएको पनि देखियो । परिवारले संक्रमण पुष्टि भएका सदस्यलाई जतिसक्यो हौसला, प्रेरणा र ऊर्जा प्रदान गर्नुपर्छ । बुधबारको राजधानी दैनिकबाट