हामी सबैकाे संसारन्यूज

काठमाडौं- आवश्यक विकल्पहरुको खोजी गरेर भएतापनि शैक्षिक सत्र प्रयोग गर्न सरोकारवालाहरुले सुझाव दिएका छन् । आज शिक्षा शिक्षा मन्त्री गिरीराजमणी पोखरेलको उपस्थितिमा भएको भर्चुअल बैठकमा सहभागी भएका विभिन्न प्रदेश स्तरका सामाजिक विकास मन्त्रालयका पदाधिकारी, स्थानिय तहका प्रमुख, शिक्षा शाखा प्रमुख र शिक्षा शिक्षा विकास तथा समन्वय ईकाइ प्रमुखले यस्तो धारणा राखेको मन्त्रीका स्वकिय सचिव पुरन केसीले जानकारी दिए ।केसीका अनुसार बैठकमा सहभागीहरुले शैक्षिक सत्र शुरुवात भएको घोषणा गर्न सकेमा विद्यार्थिहरु उत्साहित हुने जसका लागि विद्यालय सरसफाई र स्वास्थ्य प्रोटोकल पालनाको लागि आवश्यक खर्च विभिन्न स्तरका सरकारहरुले वेहोर्नुपर्ने सुझाव राखेका थिए ।

अहिले सञ्चार माध्यमबाट गरिएको सिकाइमा सबै विद्यार्थिलाई समेट्न नसकिएको तर बालबालिकालाई निरन्तर सिकाई सबैको दायित्व भएको सहभागीहरुको धारणा थियो । सिकाई सहजिकरण र प्रोटोकल कार्यान्वयन स्रोतको लागि विकल्पहरु खोज्नुपर्ने धारणा तथा सुझाव बैठकमा सहभागीहरुले राखेको केसीले बताए ।

महामारीको स्थितिमा विभिन्न चरण गरि शिक्षा मन्त्रालयले शैक्षिक क्षेत्रका विभिन्न पदाधिकारी, अधिकारी र सम्बन्धित सरोकारवालाहरुसँग भर्चुअल माध्यमबाट छलफल तथा अन्र्तक्रिया गर्दै आएको छ । प्रदेश स्तरिय छलफल सरोकारवालाहरुवाट प्राप्त सुझावका आधारमा बैकल्पिक प्राणालीबाट सिकाई सहजिकरण निर्देशिका २०७७ परिमार्जन हुने स्वकीय सचिव केसीले बताए ।