हामी सबैकाे संसारन्यूज

काठमाडौं । नेत्र विक्रम चन्द ‘विप्लव’ नेतृत्वको नेकपाकी पोलिटब्यूरो सदस्य उमा भुजेलको गिरफ्तारीप्रति सत्तारुढ नेकपाकै नेतृ यशोदा सुवेदीले विरोध जनाएकी छिन् । भुजेलको पटक–पटकको गिरफ्तारीप्रति सामाजिक सञ्जालमार्फत ‘यो त अति भयो !’ भन्दै उनले विरोध जनाएकी हुन् ।

सत्तारुढ नेकपाकी सांसदसमेत रहेकी सुवेदीले ‘विधिको शासन सकिएकै हो त ?’ भनि प्रश्न गरेकी छिन् । ‘यो त अति भयो १ खै काहाँ छ मानव अधिकार ? खै काहाँ छ लोकतन्त्त ? विधिको शासन सकिएकै हो त ?’ उनले भनेकी छिन् ।

गत भदौ ४ मा अदालतको आदेशअनुसार रिहा भएकी भुजेललाई रिहा लगत्तै प्रहरीले पक्राउ गरेको थियो । उनलाई हाल प्रहरीसँग अभद्र व्यवहार गरेको आरोपमा मुद्दा चलाइएको छ ।

गत ९ महिना अगाडि सुनसरीबाट पक्राउ परेकी भुजेललाई थुनामा राख्न प्रहरीले विभिन्न ११ जिल्लाबाट विभिन्न शीर्षकमा मुद्दा लगाईसकेको छ । एउटा जिल्लाबाट पक्राउ गर्ने र अर्को जिल्लाको मुद्दा देखाएर पक्राउ गर्ने गरिएपछि विरोध सुरु भएको हो ।