हामी सबैकाे संसारन्यूज

काठमाडौं । हनुमान मन्दीरका पुजारी श्रीराम शाहको हत्यारालाई कारबाही गर्नुपर्ने माग गर्दैै सुरु भएको प्रदर्शन रोक्न गृह मन्त्रायलले जिल्ला प्रशासनहरुलाई गोप्य सर्कुलर गरेको छ । मन्त्रालयले आइतबार विभिन्न जिल्ला प्रशासनहरुलाई प्रर्दशन रोक्न सर्कुलर गरेको हो ।

मन्त्रालयको शान्ति सुरक्षा तथा अपराध नियन्त्रण शाखाले नेपाल प्रहरीका प्रमुख महानिरीक्षक र सबै जिल्ला प्रशासन कार्यालयलाई गोप्य सर्कुलर जारी गर्दै पुजारीको हत्याको विरोधमा हुने प्रदर्शन रोक्न निर्देश गरेको हो । मन्त्रालयले सर्कुलरमा घटनाको विषयलाई लिएर अवाञ्छित गतिविधि हुन सक्ने बताएको छ ।

सर्कुलर सार्वजनिक सरकारको आलोचना

पुजारी हत्यामा संलग्नलाई खोजेर कारबाही गर्नुको साटो पुजारी हत्याको विरोध गर्नेहरुलाई नियन्त्रण गर्न प्रहरी र जिल्ला प्रशासनलाई सर्कुलर गरेसँगै सरकारको आलोचना सुरु भएको छ । गोप्य सर्कुलर सार्वजनिक भएसँगै सामाजिक सञ्जालमा सरकारको रवैयाप्रति विरोध गरिएको हो ।

नेपाली कांग्रेसका नेता धनराज गुरुङ्गले सरकारको रवैया अनौठो भएको भन्दै प्रश्न उठाएका छन् । उनले सरकारको पक्षमा प्रदर्शन गरेको भए यस्तो उर्दी जारी हुन्थ्यो भनि प्रश्न गरेका छन् ।

उनले भनेका छन्, ‘राम मन्दिर बनाउन निर्देशन दिने तर हनुमान मन्दिरको पुजारी श्रीराम साहको हत्यारा पत्ता लगाउन नसक्ने सरकारले पुजारी साहको हत्यारा पत्ता लगाई कारबाही गर्नू माग राखेर हुन थालेको बिरोध प्रदर्शन रोक्न उर्दी जारी गरेछ। सरकारको पक्षमा प्रदर्शन गरेको भए यस्तो उर्दी जारी हुन्थ्यो होला ?’